Դեռևս հնագույն ժամանակներում, երբ մարդը սկսեց հետաքրքրվել իր շրջակա միջավայրով, նա հանդիպեց բազմաթիվ խնդիրների, որոնցից շատերի լուծումը կապված էր այդ իսկ միջավայրի հնարավորին մանրամասն հետազննման հետ: Սեփական բարորության համար նա ստիպված եղավ պատրաստել կացարաններ` շրջակա բնակլիմայական պայմաններից պաշտպանվելու համար, հայթայթել սննդի միջոցներ` կռիվ տալով հողի և բնակլիմայական պայմանների հետ, իսկ հետագայում զբաղվեց ծովագնացությամբ` հետազոտելու համար ջրային ռեսուրսները և գտնելու նորանոր ցամաքներ:

 Վերը նշվածների և նաև այլ շատ խնդիրների պատասխանները տվեց մի գիտություն , որը հետագայում անվանվեց գեոդեզիա: Վերոնշյալ ժամանակներից ի վեր այն սկսեց զարգանալ և մեր երկրում իր զարգացման գագաթնակետին հասավ ԽՍՀՄ տարներին: ԽՍՀՄ-ի փլուզումին հաջորդեց զանգվածային մասնավորեցումը և բացառություն չէր հանդիսանում նաև գեոդեզիայի բնագավառը: Ստեղծվեցին մասնավոր կոոպերատիվներ, որոնցից էր նաև <<Տավրոս-90>> գեոդեզիական հետախուզական աշխատանքների կոոպերատիվը, որի առողջ մասնագիտական հիմքերի վրա էլ հետագայում ստեղծվեծ մեր ձեռնարկությունը` կոչվելով <<ԳԵՈՔԱՐՏ>> ՍՊԸ (այն հանդիսանում է վանկային հապավում գեոդեզիա և քարտեզագրում բառերի):